Man Chalay ka Sauda- من چلے کا سودا

ادبی تاریخ کے مشہور افسانہ/ڈرامہ نگار اشفاق احمد نے کئی افسانے اور ڈرامے تحریر کیے. ان کی تحریوں کے موضوع زندگی سے متعلق انسان کی زندگی سے عین قریب ہیں. “من چلے کا سودا” ایک عمدہ تحریر/ڈرامہ ہے جو حقیقی کرداروں کے حقیقی حالات کی نشاندہی کرتا ہے.

اس ڈرامے کا تعلق دراصل تصوف اور سائنس کے مثبت اور منفی تاروں سے بندھا ہے دونوں پہلوؤں پہ اس ڈرامے کے مرکزی کردار “ارشاد” نے وقتاً فوقتاً روشنی ڈالی ہے.. جو روحانیت کے سفر پر گامزن ہے, دنیاوی خواہشان کو ترک کر کے خلقِ خدا کے خدمت کرنے نکلا ہے..

اشفاق احمد صاحب نے اس کہانی میں انسان اور اللّہ کے درمیان تعلق کو بڑے خوبصورت انداز میں واضح کیا, مومن کی شان بیان کی کہ ایک مومن وہی ہے جو ٹھوکر کھا کر بھی سیدھا کھڑا ہوجائے.. ہمت نہ ہارے.. اس بات پہ روشنی ڈالی کہ دراصل سائنس اور مذیب دونوں ہی ایک دوسرے کے لی لازم و ملزوم ہیں. دونوں کی اہمیت یکساں ہے.

ارشاد جو اس ڈرامے کا مرکزی کردار ہے جس کی عمر
تقریباً پچاس برس ہے , اس کی ولایتی بیوی مارتھا نے اسے چھوڑ دیا ہے اور اس کے دونوں بیٹے ‘اسحاق’ اور ‘ابراہیم’ بھی اس کی بیوی کے پاس ہی رہتے ہیں. وہ تین فیکٹریز کا مالک ہے. دولت, شہرت, عزت پیسہ بکثرت ہے مگر اسے ان سب چیزوں کی ضرورت نہیں..
وہ اضطراب سے سکون کی جانب رختِ سفر باندھ چکا ہے.. روحانیت کے سفر پر گامزن ہے, دنیاوی خواہشات کو ترک کر کے خلقِ خدا کے خدمت کرنے نکلا ہے.
روحانیت کے سفر میں ڈاکیہ محمد حیسن, موچی رمضان اور چرواہا عبداللّہ معرفت کی راہ میں ارشاد کی راہنمائی کرنے والے ہیں اور یہ تینوں ایک ہی روشنی کی تین کرنیں ہیں..

مومنہ کا کردار بھی اہمیت کا حامل ہے جو سچ بولنے سے خوفزدہ ہے اور جھوٹ بولنے سے خائف.. خود اپنے ہی سوالات سے پریشان .. کچھ الجھی ہوئی معصوم لڑکی.. جس کو اپنے حال سے زیادہ مستقبل کی فکر ہے جو ماضی کی یادوں کو بھلا دینا چاہتی ہے..
اس ڈرامے کے دیگر کردار ندیم, سراج, سلمی, عامر, غلام دین وغیرہ سے بھی سیکھنے کو بہت کچھ ملتا ہے..

اشفاق احمد صاحب نے تصوف اور سائنس کے علاوہ زندگی کے دوسرے اہم مسائل will, ego,اختلافِ رائے, جعلسازی وغیرہ کو بھی اس تحریر میں بہت عمدگی سے بیان کیا ہے.

یہ تحریر نہ صرف آپ کو بہت کچھ سوچنے ہر مجبور کردے گی بلکہ بہت سے مسائل میں آپ کی رنمائی بھی کرے گی.. اس کہانی کے ہر کردار سے ایک نیا سبق سیکھنے کو ملتا ہے اور یہ راستہ بھی کھلا ہے کہ ہمیں کس راستے کا تعین کرنا ہے کیونکہ یہ تو من چلے کا سودا ہے.